Jepni për shkollën!
Atëherë është biseduar se kushtet ne të cilat po punojnë shumica
e shkollave fillore, këtu, në Kosovë, nuk janë hiç të mira. Janë do të
dhëna që të bindin në këtë, të cilat si të tilla të mbushin mendjen që të
kalosh prej fjalës në vepër e këtij aksioni sa me vend aq edhe human t’i
jepet krahu i së mbarës në mënyrë që të niset rrugës së dëshiruar.
Po i shënojmë vetëm ca të dhëna, që do ta ilustrojnë deri diku gjendjen
e tanishme në shkollat tona:
- vetëm O, 63 m1 i takon nxënësit tonë nga sipërfaqja që është nën
kulm të shkollës (lexo: ky nu- mër në ca vende bie edhe në 0,30 m1),
gjersa normat peaagogjike
thonë se ky duhet të jetë 2 m2.
- afër 30 për qind të godinave Shkollore janë aq të papërshtatshme
për Jt’u zhvilluar mësimi në kushte normale.
- në Kosovë numri i atyre që kapin abetaren (për çdo vit) është
8-10.000 sish. por një pjesë prej tyre mbesin te shtëpia (për ta shtuar
numrin e analfabetë ve. E jo me fajin e tyre por pse mungon lokali i
mjaftueshëm i shkollave tona.
- nuk janë të rralla rastet kur në ca shkolla (ato të qytetit) mësimi
zhvillohet edhe në tri e katër (!) ndërrime gjersa orët cungohen, dashur
e padashur, edhe në tridhjetë minuta ...
- shumë shkolla nëpër fshatra janë aq të shkapërderdhura sa që
fëmijëve që kanë vullnetin nuk u mbe tet tjetër pos të kalojnë rrugë
edhe njëzet kilometra e mos më shumë.
Sipas parallogarive, për një hap konkret e bukur të mirë kah përmirësimi
i gjendjes së tanishme, duhen afër 12 miliardë dinarë të vjetër.
Gurrë e këtyre mjeteve do të jetë aksioni, tanimë i njohur me emrin
HUAJA POPULLORE PËR SHKOLLA, aksion ky që do të fillojë me
një tetor e për të përfunduar më 31 dhjetor të këtij viti. Iniciatore dhe
organizatore kryesore është LSPP të Kosovës, e cila me dëshira dhe ambicie
është zotuar që ketë aksion ta çojë gjer në fund. Nëpër komuna e
gjetkë komisionet dhe celulat e formuara enkas për informim të masës,
ia kanë filluar punës e ato që zhagitën duhet t’ia nisin sa më parë.
Ndihmesën e saj duhet ta japë edhe Lidhja e Rinisë, për të mos thënë
se ajo duhet të jetë edhe në ballë të këtij aksioni.
T’i çelim zemrat tona dhe qeset! Ose, t’i përvjelim duart e t’i rrekemi
punës aty ku na thërret ajo!
Në mënyrë që bijve tanë e bijave tana - t’ua ndezim qiriun e diturisë
për të ecur vetëm përpara...
(ZËRI, 1970)
